DAVAO CITY- Gikundena ni Former President Rodrigo Duterte ang sobra ug ‘unnecessary force’ sa pag silbi sa warrant of arrest batok kay Pastor Apollo Quiboloy kagahapong adlawa.
Ang maong panghitabo ang miresulta sa kagubot sa mga supporters ni KOJC Leader Pastor Quiboloy ug sa mga tropa sa Special Armed Forces kon SAF ug Criminal Investigation and Detection Group kon CIDG.
Kahinumdumang ang maong nahitabong tensyon kagahapon sa buntag ang tungod sa pagsilbi sa search warrant aron pangitaon ang maong Leader sa Kingdom of Jesus Christ Compund nga nahisubay sa simultaneous operation sa mga otoridad.
Kagahapon sa gabie, nagtapok pag-usab sa gate sa Kingdom of Jesus Christ ang mga taga-suporta ni Pastor Apollo Quiboloy human matud pa nga mibalik ang tropa sa Special Armed Forces kon SAF ug Criminal Investigation and Detection Group kon CIDG.
Bisan pa man nagkatensyon kagahapon sa hapon, subling nagpahinumdom ang Police Regional Office XI sa mga taga-suporta ni KOJC Leader Pastor Quiboloy nga mokalma lamang.
Samtang bisan pa man miulan kagahapon sa gabie, naka-atang gihapon sa gate sa KOJC ang mga miyembro tungod sa posible matud pa nga mahitabong adunay pagtanom og ebidensya sa SAF ug CIDG sa compound ni Quiboloy nga maoy ginakabalak-an sa tanang supporters niini.
Samtang bisan pa man adunay tensyon nga nahitabo kagahapon sa kadlawon, nanghatag gihapon og libre nga pagkaong ang mga miyembro sa KOJC ngadto sa kapulisan ug sundalo nga gimanduan nga magserve sa search warrant.
Sa pikas bahin, nakahilak ang usa ka miyembro samtang gasaysay kini sa mga nahitabong kagubot o tensyon matud pa tungod adunay bata nga nadamay ug uban pang mga kalalakin-an nga matud pa gigapos.
Nagatuo usab si Atty. Torreon nga ang gibuhat nga pagpanghilabot sa CIDG ug KOJC compound ang usa ka klase sa pagpangbastos ug pamugos.
Sumala pa ni FPRRD nga ang sobra ug unnecessary force nga pagsilbi sa arrest warrant kay Pastor Quiboloy ang nahitabo sa lugar alampuan ug sa premisiya sa eskwelahan ug alang kaniya hingpit kining dili kadawat-dawat.
Dugang pa ni kanhing Presidente Duterte nga unsaon pag-garantiya sa kasamtangan administrasyon ang pagpreserba sa katungod sa konstitusyon sa mga Pilipino kong ang sukaranan niini ang gitamak-tamakan ug dayag nga gisupak.
VIA// DMA
