DAVAO REGION- Nang-apud-apud ug sinako nga abuno ang lokal nga panggamhanan sa Davao, pinaagi sa City Agriculturist’s Office (CAgrO),sa 200 ka mga mag-uuma sa Cacao nga kini ang mga sinako nga Yara fertilizer sa mga nagkadaiyang distrito dinhi sa syudad.
Sumala ni CAgrO Head, Edgardo Haspe, nga ang pag-apud-apud ug libreng abono mao ang pamaagi sa gobyerno sa pagtabang sa mga mag-uuma aron nga molambo ang cacao production.
Ang Cacao sa dakbayan ang gikonsidera nga nag-unang gikinahanglan, hinungdan nga kini ang gihatagan ug pagtagad sa LGU aron nga molambo pa ang mga nagapananom niini.
Nasayran nga ang matag mag-uuma ang makadawat ug atag-duha ka sako nga Yara fertilizers nga kini dakong tabang sa ilahang poduksyon.
Samtang nagpahimangno si Haspe ngadto sa mga mag-uuma nga imintina pag-ayo ang ilahang mga tinanom nga mga Cacao.
Gawas sa pagpanghatag sa mga abuno, ang City Agriculturist’s Office ang nanghatag usab ug cacao seedlings.
Gipahiagayon sab niini ang seminars kabahin sa cacao rehabilitation alang sa dugang kahiabalo ngadto sa mga mag-uuma aron nga mamintina ang ilahang pananom nga cacao, ug molambo pa produksyon, ug ingon man makontrola ang pagkadaot niini gumikan sa mga mananap.
Nihangyo sab ang CAgrO sa mga mag-uuma nga dili pangputlon ang mga punuan sa cacao gumikan kini ang adunay taas nga global demand ilabi ana nga karong panahuna adunay pagnihit sa suplay sa cacao sa tibuok kalibutan.
Samtang giawhag sab niini ang mga mag-uuama nga dili magduha-duha sa pagdangop sa ilahang buhatan sa mga CAgrO’s district offices kung adunay maga gikinahanglan nga tabang o suporta sa pagpananom ug Cacao.
Kahinumduman nga niadtong 2021 si Presidente Rodrigo Duterte mipirma sa balaod nga mideklara sa syudad sa Davao isip “Chocolate Capital of the Philippines” ug lakip ang entiro rehiyon sa Davao isip “Cacao Capital of the Philippines.
