DAVAO DEL SUR- Patay on the spot ang usa ka drayber sa Strada pick-up human nga nabangga kini sa bus pasado alas 10;00 ang takna kagabii.
Subay sa report sa Sta. Cruz PNP naila ang biktima nga si Jhonryl Wadia,hamtong panuigon ug kauban niini nga si Charlie Pepito nga susamang residente sa Padada, Davao Del Sur.
Sa imbistigasyon sa kapulisan, nahitabo ang pagkabangga sa Sitio Lawis, Brgy. Bato Sta. Cruz Davao Del Sur nga sumala pa sa mga nakasaksi nagsubay ang duha ka mga sakyanan nga Bus ug Pick-up sa managlahing direksyon.
Sumala pa sa mga nakasaksi nikawat sumala pa og dalan ang drayber sa pick-up hinungdan nga gilikayan sab kini sa kasugat nga Bus, apan kalit lamang sab kining nibalik sa iyang giagi-an nga dalan nga maoy hinungdan sa pagkabangga niini.
Gumikan sa kakusog sa pagkabangga, halos dili na maporma ang ulo sa sakyanan nga pick-up nga nalagpot kini sa kilid nga bahin sa karsada ug miresulta sab sa hilabihang pagka-ipit sa drayber nga ang ulo ug ubang bahin sa lawas ang halos dili na mahitsura tungod sa maong panghitabo ug ang kauban niini ang nakahiagom ug bun-og sa iyahang kalawasan.
Samtang sa bahin sa Bus, angol ang konduktor nga si Dong Jumawan gumikan sa maong panghitabo. Daling gidala sa ospital ang mga biktima.
Gumikan usab sa kakusog sa pagkabangga ang Mindanao Star Bus mibabag na kini sa dalan. Sa karon anaa na sa kostudiya sa kapulisan ang nalambigit nga mga sakyanan, samtang gilusad pa ang dugang imbistigasyon kabahin sa maong panghitabo.
