TAGUM CITY – Giila na sa Tagum Police ang tulo ka mga kalalakin-an nga nagdasok sa usa ka manhole sa sa kalsada sa Mabini Street, Barangay Magugpo South, Tagum City, Davao del Norte niadtong Mayo 29, alas 12:30 sa kadlawon.
Giila ang mga dinakpan nga sila si alyas “Patrick”, 28 anyos; alyas “Arlan” 44 anyos, taga-Mabini, Davao De Oro ug alyas “Inesio” nga taga-Barangay Mankilam, Tagum City.
Nasayran sa nahimong pag-imbestiga sa Tagum City Police Investigation and Detective Management Section nga nisuway ang tulo sa pagpangita og mga copper wire sa maong manhole.
Hinuon, wala man nakitang nangaguba o nawala sa maong manhole maong gibuhian sa kapulisan ang tulo ka mga dinakpan.
Apan nahimo kining notado na sa kapulisan ug kasamtangang gipalaluman pa ang imbestigasyon kung aduna ba kani kalambigitan sa mga lain pang krimen.
Kahinumduman nga nag-viral sa social media ang video sa nahimong pagkakaplag sa mga otoridad kanila human namatikdan ang pagtingog-tingog sa maong manhole.
