DAVAO CITY – Gipasalig ni Majority Floor Leader nga si Senator Francis Tolentino nga walay dapat kabalak-an ang katawhan sa nahitabong pagkanaog ni Senador Juan Miguel Zubiri isip Senate President ug ang pagtuboy kang Senador Francis Escudero sa pwesto.
Sa ekslusibong pakighinabi kaniya sa Bombo Radyo Davao, gikanayon ni Tolentino nga lauman sa katawhan ang paspas nga pag-aksyon nila Escudero ug ang bag-ong lider sa mayorya gumikan sab sa pagkasinabtanay sa duha isip mga abogado. Dugang pa ni Tolentino nga mapahugtan pa ang ilang relasyon sa Kongreso sa paghisgot sa mga balaudnon pinaagi sa ilahang leadership.
Naghangyo sab si Tolentino nga dili na mamahimong hisgutan pa ang mga ispekulasyon mahitungod sa pagkanaog ni Zubiri isip Senate President.
Sumala pa nga ang panahon lamang ang makahukon sa maong desisyon ug labing mupatigbabaw ang hiniusang tingog sa mayorya.
Una nang gipamahayag ni Tolentino nga gihatagan niya og respeto ang sentimento ni Zubiri nga nagkanayong biktima lamang sa nahitabong gubat tali Pangulong Bongbong Marcos ug kanhi Pangulong Rodrigo Duterte.
Sa ulahing adlaw sa Senado kagahapon, gipulihan siya ni Senator Sonny Angara isip Committee head of Justice and Human Rights, ug gawas sa pagka-Majority Leader, gituboy sab kini ni Senate President Escudero si Tolentino isip chairperson sa Committee on Rules sa Senado.
