DAVAO CITY- Nagpahigayon ang Davao City Health Office ug ang City Population Division nipahigayon sa labing unang Family Planning Fiesta sa Bunawan Gym niadtong Mayo 21, isip kabahin sa information education campaign sa responsableng pagkaginikanan.
Tumong sa maong kalihukan nga mapahibalo ang katawhan sa nagkalain-laing pamaagi sa pagplano sa pamilya nga gitanyag nga libre sa lokal nga kagamhanan.
Kapin sa 150 ka mga ginikanan ug mga soon to be parents ang misalmot, namati sa mga lektyur bahin sa responsible parenthood, optimal birth spacing, ug lain-laing mga pamaagi sa family planning and birth control.
Gitanyag ang libreng konsultasyon sa pagplano sa pamilya, ug gisusi sab ang mga partisipante alang sa mga pamaagi sama sa no-scalpel vasectomy (NSV) ug bilateral tubal ligation (BTL).
Gikanayon ni Jerrielyn Lewis, Population Division Head sa syudad nga ang pagplano sa pamilya dili lang para sa pagpugong sa pagmabdos kondili alang usab sa pagsugod og pamilya ug paglimit sa gidak-on sa ilang pamilya.
Gipasiugda ni CHO Head Dr. Thomas Miguel Ababon, nga ang pagplano sa pamilya kinahanglan nga dasigon sa gugma alang sa pamilya ug anak, ug nga ang CHO naningkamot sa pagwagtang sa sayop nga mga pangagpas bahin sa pagplano sa pamilya.
via// DMA
