DAVAO CITY – Niluwat og opisyal nga pamahayag si Davao del Norte Acting Governor De Carlo “Oyo” Uy sa anunsyo sa pagtanggal kaniya sa Hugpong ng Pagbabago Party kon HNP.
Matud sa Acting Governor, walay pormal nga pagpahibalo kaniya sa maong desisyon ug nasayod lamang siya nga gitanggal na siya sa HNP pinaagi sa balita sa mga sakop sa media ug nagapaabot sab kini sa mga opsiyal nga dokumento sa iyang expulsion gikan sa partido.
Gipasalig ni Uy ang pag-alagad sa katawhan sa Davao del Norte, ug bisan pa sa posibleng politikanhong implikasyon, nagpabilin ang iyang pagtutok sa kaayohan sa komunidad.
Nagpahayag siya og pasalamat alang sa hilabihan nga suporta ug mga pag-ampo nga gihatag kaniya, nga nagpamatuod pag-usab sa iyang determinasyon sa pagpadayon sa pagpauswag sa mga interes ug mga pangandoy sa komunidad.
Kahinumduman nga usa ka adlaw human sa nahitabong suspension kang Governor Edwin Jubahib, nanaad si Uy sa pagserbisyo sa katawhan sa probinsya, nga nagkanayong temporaryo una kini nilingkod sa pwesto ni Jubahib aron dili mauktaba ang mga serbisyo sa gobyerno.
Nahilakip si Vice Governor Uy sa mga gipangtaktak sa Hugpong ng Pagbabago uban nila Tagum City Mayor Rey Uy, Davao De Oro Vice Governor Jayvee Tyron Uy, ug Davao de Oro First District Representative Maricar Zamora gumikan matud pa sa mga nakita nga conflict sa core principles ug mga polisiya ubos sa partido.
via | Bombo LJF
