DAVAO CITY – Gitutukan na usab karon sa City Health Office sa dakbayan sa Dabaw ang sakit nga Chikungunya gawas sa Dengue.
Sumala pa ni CHO Tropical Diseases Prevention and Control Unit Coordinator Melodina Babante walay puas ang gihimo sa City Health Office Tropical Diseases Prevention and Control Unit nga fogging, misting, pagpanghatag ug mga mosketero ug mosquito repellant, ug ang pagpahigayon information dissemination drive sa kabarangay sa dakbayan sa Dabaw.
Sumala pa ni Babante, sama sa dengue, ang Chikungunya ang motakboy usab pinaagi sa mga lamok nga nagdala ug virus.
Subay sa record sa DOH 11, usaka kuwarenta anyos nga lalaki nga nagpuyo sa Baguio District ang naka-angkon ug Chigunkunya atol sa ubang bahin sa Enero niining tuig.
Ang mga simtomas sa Chikungunya ang gilangkuban sa taas ga kalintura, grabe nga pagpanakit sa lutahan, conjunctivitis, ug mga rashes.
Partikular sumala pa sa gitutukan karon sa maong buhatan ang mga dapit sa syudad nga nakatala ug tag-tulo o kaga tag-upat nga mga kaso karong bulana.
Ang nahisgutang mga dapit ang gilangkuban sa Matina Aplaya, Barangay Panacan, Catalunan Grande, Barangay Tacunan, Barangay Angalan, Barangay 76-A–Bucana ug SIR, Barangay Bunawan Proper ug Barangay Buhangin Proper.
