DAVAO CITY – Gipasaka na sa Regional Disaster Risk Reduction and Management Council sa Office of Civil Defense 11 ang BLUE ALERT status gumikan sa epekto sa nipatigbabaw nga sheer line weather system sa tibuok Davao Region.
Subay sa Memorandum No. 009, series of 2024, gipapaigmat na sa ahensya ang tanang Local Disaster Risk Reduction and Management Councils sa tibuok rehiyon aron maniid sa mga katikaran atol sa gibiling epekto sa kusog nga mga pag-ulan.
Gawas sa Davao City nga dunay class suspension sa tanang tulunghaan karong adlawa, wala sab klase ang tibuok probinsya sa Davao del Norte ug Davao Occidental.
Walay klase sa tanang lebel ang mga piling dapit sa Davao de Oro sama sa Compostela, Laak, Mabini, Maco, Maragusan, Mawab, Monkayo, Montevista, Nabunturam, New Bataan ug Pantukan.
Sa Davao dek Sur, suspendido ang klase sa tanang lebel sa Digos City, Kiblawan, Malalag, ug Santa Cruz.
Apan sa elementary hangtod high school lamang ang suspension sa mga lungsod sa Hagonoy ug Sulop. Ubang bahin sab sa Davao Oriental ang walay klase sa tanang lebel sama sa Banaybanay, Baganga, Boston, Caraga, Cateel, Governor Generoso, Lupon, Manay, San Isidro ug Tarragona.
Sumala sa PAGASA Davao, anaa sa Orange Warning Level kon intense rains ang nasinatian sa Davao Del Norte ug Davao de Oro, samtang nasa Yellow Warning Level kon heavy rains ang nibunok sa Davao City ug Davao Oriental.
