DAVAO CITY – Natay-og sa makusog nga linog ang ubang bahin sa Davao Region insaktong alas-08:32 kagabii.
Sumala sa PHIVOLCS, nagsentro ang Magnitude 5.7 nga linog sa Hinatuan, Surigao del Sur nga dunay gilawmon nga 23 kilometros.
Subay sa datos, nasinatian ang Intensity V sa Hinatuan ug Bislig City sa SURIGAO DEL SUR.
Samtang Intensity IV – Tagbina, SURIGAO DEL SUR; ug Butuan City, AGUSAN DEL NORTE.
Intensity III – Cagwait ug Tandag City SURIGAO DEL SUR; Pantukan, Maco, ug Nabunturan, DAVAO DE ORO; ug Magsaysay ug Gingoog City, MISAMIS ORIENTAL.
Intensity II sa Davao City, Cagayan de Oro City, San Fernando ug Talakag, BUKIDNON; ug Balingasag, MISAMIS ORIENTAL.
Samtang Intensity I sa Catarman, Guinsiliban, Mambajao, ug Sagay, CAMIGUIN.
Dugang datos sa ahensya nga aftershock kini sa nahitabong Magnitude 7.4 nga linog niadtong Disyembre 2, 2023 diin natunong ang episentro niini sa mga kadagatan sa Surigao del Sur.
