Langyaw sa Mati nga naghupot og armas, kalaboso

DAVAO CITY – Tiklo sa mga sakop sa Mati PNP usa ka Japanese National nga naghupot og armas niadtong Sabado sa hapon sa Purok UN, Old LTO Madang, Brgy. Central, Mati City, Davao Oriental.

Giila ang dinakpan nga si Hiroshi Auno Arahori, residente sa maong dapit.

Nadakpan ang nahisgutan sa mga otoridad pinasikad sa search warrant nga gipakanaug sa 11th Judicial Region Branch 5.

Nakita ang usa ka .45 nga pistola nga dunay usa ka magazine ug lima ka mga buhing bala ang sulod niini.

Duna sab 16 ka mga buhing bala sa .45 nga pistola, usa ka black holster ug usa ka belt bag nga itom.

Anaa na karon sa kustodiya sa kapulisan ang dinakpan samtang ginapasaka na ang kasong kalapasan sa RA 10591 o kun illegal possession of firearms.

via || Bombo LJF