DAVAO CITY – Pormal nang nanumpa sa katungdanan isip bag-ong Barangay Kapitan sa Brgy. Datu Abdul Dadia nga si Warlito Saraguilla. Nanumpa si Saraguilla atubangan ni Panabo City Mayor Jose Relampagos kauban si DILG Field Officer nga si Yolanda Balana.
Nasayran nga nagbaton si Saraguilla og pinakadaghang boto isip kagawad busa subay sa Rules of Succession sa Section 44 sa Republic Act 7160 kon Local Government Code of 1991, siya na ang muhulip sa napatay nga kapitan nga si Engr. Paul Albert Saquian.
Nahitabo ang maong pagpanumpa ning nilabayng adlaw sa barangay hall sa Brgy. Datu Abdul Dadia kauban ang mga konsehales sa Barangay.
Unang nilingkod si Saragulla isip kagawad sa barangay niadtong 2018 ug nahimong Chairman Committee on Social Service sa barangay.
Ilado sa lugar si “Lito” isip usa sa mga kasaligang kagawad sa barangay.
Nidagan kini sa nakalabayng nga Barangay and SK Elections karong tuiga isip Independent candidate ug nahimong top one nga kagawad.
Sa pagpanumpa niya isip kapitan, pagaatubangon ni Saraguilla ang mga isyu ug suliran sa barangay.
Sa susamang adlaw sa iyang pagpanumpa, nagtudlo dayon kini og mga bag-ong mangulo sa matag komitiba sa barangay.
via || Bombo LJF
