DAVAO CITY – Gikabutyag sa usa ka Davao City-based environmental group nga gibalhin ngadto sa mga mountain resort nga naglihok sa ibabaw sa suba ang tubig gikan sa Tamugan River, nga nakaapekto sa gidaghanon ug kalidad niini.
Tungod niini, nipasidaan na si Interfacing Development Interventions for Sustainability (IDIS) executive director Mark Peñalver nga posibleng mokunhod ang lebel sa tubig panahon sa El Niño, nga gipaabot nga mahimong kasarangan ug kusog sa kataposang kwarter sa 2023.
Dugang pa sa opisyal nga mahimong makompromiso ang kalidad sa tubig sa suba gumikan sa nagpadayong operasyon sa mga resort sa ibabaw sa suba.
Gihangop sa IDIS ang imbestigasyon sa konseho sa dakbayan ug giawhag ang mga barangay nga mahimong mas abtik sa pagpatuman sa mga lakang aron masiguro nga walay ilegal nga kalihukan nga himuon sulod sa ilang hurisdiksyon.
Gisiguro sa nangunay sa gipatumang Davao City Bulk Water System project nga Apo Agua Infrastructura Inc., nga wala sila nagpauga sa mga sapa, inay nibalhin sa gitugot nga gidaghanon sa tubig gikan sa Tamugan River sukad niadtong Marso 2023 aron maalibyohan lang sa produksyon sa mainom nga tubig.
Hingpit sab nga nagsunod ang kumpanya sa mga kondisyon sa water permit niini ug mga kinahanglanon sa kinaiyahan alang sa maong proyekto nga naglakip sa pagmintinar sa minimum nga gidaghanon sa agos sa suba.
via || Bombo LJF
