DAVAO CITY – Nikamada ang Davao Eagles og 15 ka mga medalya sa ikaduhang adlaw sa Palarong Pambansa 2023 nga kasamtangang gipahigayon sa Marikina City, Metro Manila.
Kagahapon, nadungagan og 5 ka bulawan ug 2 ka platang medalya ang delegasyon sa Davao Region.
Nakasakmit og bulawang medalya sila Chrisxelyn Familar ug Ariane Kaye Parami gikan Davao City; Chealsea Faith Lumapay gikan Davao del Norte; ug Nona Liane O. Lorenzana gikan Tagum City alang sa Doble Baston Team secondary girls event category.
Nasakmit sab sa unang pwesto sila Louie Jay Generi gikan Davao del Sur alang sa 110M hurdle elementary boys event.
Nanggahot sab alang sa duha ka bulawang medalya sa managlahing kategorya sa Swimming 50M Breaststroke ug 200m Long Course Individual Medley ang pambato sa Davao City nga si Francis Greg Espiritu.
Samtang anaa sa 5 ka bronseng medalya ang nakuha sa tibuok Davao Region.
via || Bombo LJF
