DAVAO CITY – Patay na nga nakaplagan ang usa ka 18-anyos sa sapa sa Wellspring Highlands, Phase 3, Talomo River, Catalunan Pequeño, ning dakbayan sa Davao.
Subay sa report gikan sa kapulisan nga ang biktima naila nga si Cleven Joseph Aquino Rabuya, usa ka barangay responder nga residente sa Km 12, Catalunan Pequeño, ning dakbayan sa Davao.
Sa imbistigasyon sa mga kapulisan nga ang biktima ayha pa ang maong panghitabo, nananghid kini sa amahan nga moadto sa Tagum City niadtong mayo 27, aron mobisita sa iyang higala ug sukad niadto wala na kini makabalik pa sa ilang panimalay.
Una ng gidudahan nga ang patay nga lawas nga nakit-an sa sapa mao kini ang usa ka batan-on nga na-missing nga si Kent Lawrence Espinosa tungod sa susamang tattoo niini. sa pagkakaron ginaimbistiagahan pa sa mga otoridad ang hinungdan sa iyang kamatayon.
Samtang gikatakda sab nga ipailawom sa otopsiya ang patay nga lawas sa biktima nga anaa na sa state of decomposition.
