DAVAO CITY – Gihukman nga mabilanggo sa ilang tibuok kinabuhi ang mga opisyal sa Rigen Welllness Product Marketing nga naka-base sa Tagum City gumikan sa kasong syndicated Estafa.
Subay sa gipagawas nga desisyon sa Tagum City Regional Trial Court Branch 2 kombiktado sila Rico John Colorines Garcia, chief executive officer sa Rigen ug King Paul Bryan, ang auditor usab sa Rigen Marketing, gumikan sa kasong syndicated estafa penetsahan ug April 11 ug May 2, 2023.
Sila Garcia ug Auditor ang na-sentensiyahan ug life imprisonment sa susamang nga kaso , gawas pa sa kamanduan sa korte nga bayaran nila ang actual damages nga adunay kinatibuk-ang kantidad nga P2.01 million ug moral damages nga nagkantidad ug P120,000, ug ang interest nga 6% matag tuig.
Samtang ang mga kaubanan niining mga akusado nga sila Rosenda Colorines Garcia, Christine Palijo, Romen Samuel Wabina, ug Jemeilyn Tacay ang nagpabilin pang gawasnon ug nagtago-tago hangtud karong panahona.
Kahinumduman nga nag-ugat ang mga kaso gikan sa reklamo sa duha ka mga indibiduwal kinsa gidani nila nga mag-invest sa Rigen Marketing, human sumala pa sa saad nga mabalik ang ilang gi invest nnga kwarta nga adunay 400% nga tubo sulod lamang sa 30 ka adlaw.
Napamatud-an sumala pa sa korte nga ang kinatibuk-ang mga testimonya sa mga witnesses, documentary evidences nga narecord ug mga nahimong findings sa SEC ang tanan nagtumbok kang Garcia ug kang Auditor nga maoy mihimo sa lapad nga pagpangilad.
Sa kasmatangan, moabot na sa 56 ka mga kaso ang napasaka sa SEC batok sa 375 ka mga indibiduwal gumikan sa kalapasan sa Republic Act No. 8799 o ang Securities Regulation Code, ug tulo ka mga kaso sa Syndicated Estafa.
