DAVAO CITY – Gipahigayon na kagahapong adlawa ang ground breaking ceremony sa Super Health Center nga gikatakdang ipatukod sa Purok Ernan Brgy Binuangan, Maco, Davao de Oro diin, nanguna sa maong seremonya si Senador Bong Go kauban si Davao de Oro Governor Dorothy “Dotdot” Gonzaga ug uban pang mga opisyal sa lokal nga kagamhanan sa lungsod sa Maco.
Tumong sa maong ospital ang mahatagan og libre ug kompletong serbisyo medical, labaw sa tanan ang luwas nga pagpanganak alang sa mga babayeng buntis.
Matud pa ni Senator Bong Go kinsa chairman sa Senate Committe on Health kini na nag ika-5 nga Super Health Center sa Davao de Oro diin ang uban ang makaplagan sa Mawab, Compostela, Montevista, Nabunturan ug karon sa Maco.
Sa tibuok Davao Region 18 ka mga Super Health Center ang itukod diin moabot sa 11.5 milyon pesos ang gitagana nga pondo.
Sa pikas bahin, ginaduso na usab ni Senador Bong Go ang katukuran usab sa Regional Specialty Center aron dili na moadto sa SPMC o kaha sa kauluhan aron magpa opera sa ilang sakit sa kasing kasing ug uban pa.
