DAVAO CITY – Nanguna si Davao City First Congressional District Rep. Paolo Duterte sa pagduso sa 20% nga diskwento alang sa mga indigent nga PUV drivers nga buot magkuhag lisensya.
Ilawom sa House Bill 8070, tagaan og 20% nga diskwento ang mga indigent nga mga driverssa natad sa pagproseso sa ilang PSA, medical certificate gikan sa LTO-accredited nga mga klinic o doctor, NBI clearance, PNP clearance, bayad sa enrolment alang sa theoretical ug practical driving nga kurso nga gitanyag sa LTO ug TESDA-accredited driving schools, bayad sa exam ug lain pang mga dokumento ug bayrunon nga gikinahanglan sa LTO.
Kabahin sa pag-implentar sa PUV Modernization Program, dakong tabang kini og maaprubahan aron nga makunhuran ang magasto sa mga drayber tungod muabot sa kapin P4,000 hangtod P7,000 ang magasto sa mga drayber.
Subay sa datos sa LTFRB, adunay 430,000 ka mga PUV drivers ang maapektuhan pag-ayo niining bag-ong gipatuman nga mga dugang rekisitos. Dugang pa, prayoridad ang mga indigent nga mga drayber nga maenrol sa mga accredited driving shools diin mamahimo silang makalibre sa bayrunon.
Mamahimong makamulta ang bisan kinsang personahe sa gobyerno o empleyado nga di muhatag og diskwento ngadto sa mga drayber diin makabayad og multa nga nagkantidad og P5,000 hangtod P20,000.
