DAVAO – Ablihan na karong adlawa ang Satellite Office sa Commssion on Filipinos Overseas nga nahimutang ning dakbayan.
Pinaagi sa nahisgutang buhatan, mamahimo ng sayon alang sa mga imigrante sa Mindanao nga maka-access sa ginatawag og frontline pre-departure services. Ang CFO-Davao office nahimutang sa Unit 309, 3/F, pink walter’s Building, Quimpo Boulevard, siyudad sa Davao ug abre Lunes hangtod Huwebes gikan alas 7 sa buntag hangtod alas 6 sa gabie. Sumala pa ni CFO Usec. Joy Brion, mas gipalapdan ang ilang digital processing pinaagi sa ilang bag-ong buhatan.
Lakip sa mga serbisyo nga gitanyag sa CFO Satellite Office, ang pre-departure orientation seminar (PDOS) alang sa mga migrante nga nakadesisyon nga mupuyo sa Amerika, Canada ug New Zealand nga maoy nag-una nga distinasyon.
Gawas niini, nagtanayag usab og counselling services alang niadtong mga buot magpakasal og langyaw ug exchange program alang sa mga estudyante nga buot muabdto sa US ug Europe.
