DAVAO CITY – Kumpiskado ang nasa kapin 260 ka mga karton sa sigarilyo nga gisulayan pa og palusot sa Governor Generoso, Davao Oriental apan napuhag kini pinaagi sa usa ka buy-bust operation sa mga sakop sa Governor Generoso Municipal Police.
Nasayran nga anaa sa P3.5 million ang kantidad sa mga smuggled nga sigarilyo nga karga sa usa ka seacraft vessel gikan Zamboanga City.
Nahilakip sa 263 ka mga karton sa nakumpiskang kargamento ang mga brand sa sigarilyo sama sa Green Hill, Canon, Gajah Baru, Walton ug Aris.
Walo ka mga sakay sa maong vessel ang girekisa sa otoridad human napakyas sa pagpakita sa mga dokumento.
Gipasakaan na og kaso ang mga suspek sa opisina sa Assistant Provincial Prosecutor.
Kini na ang labing pinakadakong kantidad sa mga nakumpiskang kontrabando sa maong lungsod ug ingon man sa tibuok probinsya.
via || Bombo LJF
