DAVAO CITY – Posibleng dunay foul play ang nahitabong kamatayon sa 28 anyos nga architect na si Vlanche Marie Bragas nga napalgang patay kagahapon sa buntag sa usa ka sagingan sa Purok 6, Barangay Dacudao, Calinan, Davao City.
Sumala pa ni DCPO Spokesperson PMaj. Catherine dela Rey, nasayran sa imbestigasyon nga nahubuan ang biktima sa iyang suot nga pantalon ug pang-ilalom nga panapton pagkakaplag sa iyang patayng lawas, nga timailhan sa posibleng sexual assault ngadto sa biktima.
Gimanduan na sa hepe sa Police Regional Office 11 nga si Brig. General Alden Delvo nga paimbestigahan ang makabalakang kaso sa pagpanglugos karong unang upat ka bulan sa tuig 2023 nga niabot na sa 128 ka mga kaso.
Gikumpirma sab ni Delvo nga nagpahigayon na matod pa og manhunt operation ang Davao City Police aron madakpan na ang responsable sa pagpatay kang Bragas.
Kahinumdumang una pa man nahitabo ang kamatayon sa biktima, gikataho nga ulahi siyang nakit-an dihang nisakay ang nahisgutan sa yellow nga bao-bao na traysikel kon “ongbak” sa may Crossing Fausta, Calinan bandang alas-12 sa kaadlawon, adlawng Miyerkules.
Kasamtangang gipaningkamutan sa kapulisan ang pagpangita og kasulbaran sa makaluluoy nga kamatayon ni Fausta.
via || Bombo LJF
