DAVAO CITY – Lima ka mga panimalay ang gilamoy sa dagkong kalayo bandang alas-6:45 kagabii, Mayo 11, sa may Gempesaw St. atbang sa Bohol Trading, Uyanguren, Brgy 28-C, Davao City.
Sigon sa mga nagrespondeng bumbero, paspas ang pagkuyanap sa kalayo diin nadamay ang mga kabalayan nga pulos gama sa mga light materials.
Bandang alas-8 sa gabii dihang gideklarang fire out ang maong sunog.
Atol sab sa maong sunog, usa ka lalaki ang nahulog gikan sa nasunog nga gambalay human siya misulay nga kuhaon ang mga gamit dihang naigo kini sa kusog nga pagbulwak sa tubig, apan dali sab nga natabangan ang maong lalaki nga gidala sa SPMC.
Samtang usa ka lalaki ang nasakpang nangawat dungan sa pag-alsabalutan sa mga apektadong residente.
Gipadlak na sa kwerpo sa kapulisan ang suspek.
Kasamtangang gipaabot sa mga apektadong residente ang gikinahanglang ayuda gikan sa panggamhanan.
Sumala pa sa mga otoridad, posibleng muabot sa lapas usa ka milyon ka pesos ang danyos sa nahitabong sunog.
via || Bombo DDB and Bombo LJF
