DAVAO CITY – Nagpahibalo ang City Government of Davao sa katawhan nga ibaliwala ang mga mensahe, links ug mga posts sa official Facebook page sa Davao City Transport and Traffic Management Office kon CTTMO nga gikatahong nasudlan ug gimanipula sa mga hackers sugod kaniadtong Huwebes, ala-1 sa kaaadlawon.
Nakig-koordina karon ang opisina ngadto sa mga hingtungdan ahensya aron ma-takedown ang mga posts ug mapuhag sab ang grupo sa mga hackers nga nagpaluyo niini.
Sumala ni Patrolwoman Fatima Taquilgan, sa PNP Davao Cybercrime Unit, kini na ang pinakaunang higayon nga na-hack ang Facebook page sa CTTMO.
Dugang pa, mamahimong idangop dayon sa pulisya ang mga insidente sa pagka-hack sa personal account, ingon mang accounts sa mga government offices.
Gikaguliyang sab sa social media ang nagkatag nga mga law-ay nga post sa gimanipulang CTTMO Facebook page sukad kagahapon.
via || Bombo LJF
