DAVAO CITY – Gipaklaro sa Davao City Health Office nga nagpabilin gihapon sa Alert Level 1 kon Low Risk ang Davao City subay na sab sa nahimong resolusyon sa Inter-Agency Task Force for the Management of Emerging Infectious Diseases kon IATF alang karong Abril 16 hangtud 30.
Sumala pa ni Dr. Marjorie Culas, Officer-in-Charge sa CHO, wala nahilakip ang dakbayan sa mga probinsya nga gipasailawom sa Alert Level 2. Hinuon, namintenar gihapon sa Davao City ang Alert Level 1 status niini.
Gipaklaro sab ni Dr. Culas nga sumala sa gipahayag nga advisory gikan sa DOH, wala nagpaubos sa Alert Level 1 ang 26 ka mga probinsya nga nahisakop sa Alert Level 2 status sukad pa niadtong Hulyo nining nakalabayng tuig.
Kana gumikan sa nahimong ubos nga turn out sa mga nagpabakuna, apan dunay kahigayunan nga mapataas gikan sa Level 2 ngadto sa Level 1 alert status kon mamahimong taas sa 70% ang populasyon sa mga bakuna sa nasangpit nga mga lugar.
Dugang pa, walay laing probinsya o syudad sa nasud ang natunong sa Alert Level 2 status sukad sa pagsugod sa tuig 2023.
Kahinumdumang, nagpagawas ang IATF og resolusyon nga nagbutang sa 26 ka mga lugar ubos sa Alert Level 2, diin lakip sa mga restriksyon ang 50% nga kapasidad alang sa mga indoor establishments ug 70% alang sa outdoors.
via || Bombo LJF
