DAVAO CITY – Nagpatuman na og heightened alert sa seguridad ang Task Force Davao human sa naghitabong pagbusikad sa usa ka bus sa Isulan, Sultan Kudarat kagahapon nga gikasamdan sa 7 ka mga pasahero.
Sumala pa ni Col. Darren Comia, ila nang gipanubayan ang mga border control points sa dakbayan ug gipakusgan sab ang pag-inspeksyon sa mga bagahe sa mga misulod sa Davao City.
Gi-monitor sab sa kasundaluhan ang mga nagbyahe nga mga bus ug van. Samtang, nakadeploy sab ang mga sakop sa TF Davao sa tanang strategic ug convergence areas sa dakbayan, lakip na sa Davao City Overland Transport Terminal ug ubang pantalan.
Gipaniguro sab sa Davao City Public Safety and Security Office nga pahugtan pa ang ilang seguridad inubanan sa mga security forces sa Davao City.
Awhag karon sa mga tropa nga mag-igmat ug idangop dayon ang mga kaduda-dudahang akto sa terorismo.
Kahinumdumang usa ka bomba ang nibusikad sulod sa bus paingon General Santos City gikan Cotabato City nga nakaparada sa Isulan Integrated Public Terminal sa Isulan, Sultan Kudarat, bandang alas-12:20 kagahapon sa udto.
Kasamtangang ginatambalan pa ang mga biktima sa mga balay tambalanan sa probinsya.
via || Bombo LJF
