DAVAO CITY – Gikatakdang ibalhin sa laing pasilidad ang duha ka agila nga gialimahan sa Philippine Eagle Foundation alang sa bag-ong breeding season karong tuiga.
Gikabutyag sa buhatan nga anaa sa ika-upat nga panahon sa pagpadaghan ang mga agilang sila Ariela ug MVP Matatag nga mga kanhing rescue eagles nga nakahiagum og mga bali ug piang kaniadto, apan anaa na karon sa luwas nga kahimtang.
Laraw karon nga ibalhin sila sa Philippine Eagle Conservation Breeding Sanctuary sa Barangay Eden, Davao City, nga usa sa mga nakitang luwas ug haum nga lawak aron makamugna og bag-ong offspring ug itlog sa agila.
Gumikan niini, usa ka online campaign ang ilang gilusad sa PEF aron makalikom og pundo alang sa pagbalhin sa mga agila.
Masayran ang tanang detalye sa pagdonar ug pagtabang sa pagsalba sa mga breeding eagles pinaagi sa website nga: www.philippineeaglefoundation.org.
via || Bombo LJF
