DAVAO CITY – Gihinumdum sa Davao City ang nahitabong pagpamomba sa karaang Francisco Bangoy International Airport o mas naila nga Old Davao Airport Bombing, duha ka dekada na ang nakalabay.
Atol sa paghinumdom kagahapon sa Sasa Wharf, usa ka gagmayng seremonya sa misa ang gipahigayon nga gisalmutan sa mga pamilya sa 22 ka mga nakabsan sa kinabuhi atol sa maong insidente kaniadtong tuig 2003.
Naghatag og mga bulak, kandila og panalangin ang matag pamilya sa mga biktima sa mismong bombing site. Gitambongan sab kini ni Vice Mayor Atty. J. Melchor Quitain Jr., Task Force Davao Commander Colonel Darren Comia, mga opisyales sa mga opisina sa gobyerno, og members sa Sasa Barangay Council.
Nagpadayon gihapon ang city government sa pagahatag og financial assistance sa 127 ka mga myembro sa pamilya sa mga biktima sa maong pagpamomba, diin 14 ka mga benepisyaryo ang nakalampus sa ilang pag-iskwela.
Kahinumduman nga nahitabo ang maong pagpamomba kaniadtong Abril 2, 2003 sa daang airport nga nikalas ug 22 ka kinabuhi ug gikasamdan sa 155 ka mga tawo.
via || Bombo LJF
