DAVAO CITY – Gisugdan karong adlawa ang Fire Prevention Month 2023 Kick-off program sa SM Ecoland Parking area, ning dakbayan sa Davao, kung diin ang unang bahin sa programa ang gilangkuban sa registration, zumba ug motorcade.
Subay niini, gipahayag ni Fire Senior Inspector Frances Marie Sendrijas, Bureau of Fire Protection (BFP) Xl information officer nga ang main goal sa ilahang programa sa tibuok bulan sa Marso mao ang paghatag og impormasyon aron nga matabangan ang mga pamilya ug ang komunidad, aron masiguro nga ma-protektahan ang mga tao batok sa sunog gumikan na usab nga “fire safety is everybody’s concern”.
Dugang gipahayag sa opisyal, gikinahanglan pa ang pagpalambo sa mga fire prone areas lakip na ang fire safety awareness pinaagi sa pagpahigayon ug drills, trainings ug ang pagmugna sa community fire brigade gumikan kay ang mga nahisgutan mao ang 1st responders sa mahitabong sunog.
