DAVAO CITY – Padayon gipahigayon sa buhatan sa City Social Welfare and Development Office (CSWDO) sa pagberipika sa mga panimalay ingon man spot mapping alang sa pamilya sa Barangay 21-C ug Barangay 22-C nga apektado sa sunog kaniadtong Sabado sa Piapi, Boulevard , Davao City.
Sumala ni CSWDO Emergency Assistance Program Division Head Anabelle Lugo, nga ang validation ug spot mapping ug mga interbyu human sa validation, ang ilang basehan aron mahatagan og tabang pinansyal.
Taliwala sa validation, gikanayon usab ni CSWDO Administrative Officer IV Julie Dayaday, nga muabot sa 603 ka mga pamilya ug 53 ka mga indibidwal ang nahatagan og ration cards gikan sa Barangay 21-C ug 379 ka pamilya ug 66 ka mga indibidwal ang nahatagan gikan sa Barangay 22-C.
Suma ni Dayaday, prayoridad nila kadtong nahatagan og ration cards nga mahatagan og mga goods gikan sa city government of Davao, DSWD , mga partner institutions , ug mga donors.
Samtang giawhag ni Dayaday ang mga apektadong komunidad nga makig-koordina sa nasangpit nga validation sa CSWDO ug tumanon ang mga polisiya sa evacuation center.
