DAVAO CITY – Dili na ipadayon sa pamilyang Tionko ang pagpa-usab sa pangalan sa Davao City National High School isip Tomas M. Tionko National High School.
Sumala ni Councilor Pilar Braga atol sa nahtabong committee hearing, malinawong nakaabot sa ilang resolusyon ang tagtungod, mga magtutudlo, alumi ug ubang stakeholders nga himoon na lamang ang usa ka monunmento atubangan sa gambalay sa main building nga ipangalan sab kang Tomas Monteverde Tionko, ug ang pagpahigayon og commemorative day matag a-traynta sa Oktubre alang sa pagpasidungog kaniya.
Dagko sab ang pasalamat sa mga kasamtangang nangulo sa Davao City National High School ngadto sa pamilyang Tiongko nga nahimong dagkong kabahin sa katumanan sa pagmugna sa maong tulunghaan.
Lakip na ang mga kalampusan ug mga nahimong produkto sa tulunghaan sulod sa usa ka sentenaryo.
Wala sab naghangyo ang pamilya nga tumanon ang maong pagpausab tungod maanaa sak kini sa diskresyon sa tulunghaan.
Nagkasinabot ang mga partido nga mangolekta og pundo alang sa pagtukod sa usa ka monumento agig pasidungog matag Oktubre 30, ang adlaw nga pormal nga gidonar sa pamilyang Tionko ang kapion dos ektaryas nga luna diin natukod ang usa ka makasaysayanong tulunghaan sa dakbayan sa Davao.
via || Bombo LJF
