DAVAO CITY – Mopahigayon ang Davao City Transportation and Traffic Management Office ug education drive alang sa mga drivers nga wala nagbaton ug Public Utility Vehicle ID sa February 24, adlaw nga Biyernes sa CTTMO Office sa Elias B. Lopez Street corner Patnubay Street, SIR Matina.
Gikanayon ni CTTMO head Dionisio Abude nga atol sa education drive, hatagan ug katin-awan ang may kalabutan sa traffic rules and regulations subay sa City Ordinance No. 0334-12, Series of 2012, o ang Comprehensive Transport and Traffic Code of Davao City, road safety, and defensive driving.
Dugang pa ni Abude nga kung wala man ang uban nakaagi o kon pananglitan dili sila attentive atol sa seminar, pag-abot sa public utility vehicle education program madungagan ang ilahang kahibalo sa natad sa road safety.
Atol usab sa info drive, hatagan usab ug pagpasabot ang labot sa functions sa traffic lights, paggamit sa yellow lane, pavements parking ug uban pang mga traffic signages.
Nag-una nga mga requirements alang sa seminar mao ang driver’s license ug ang official receipt /certificate of registration (ORCR) sa sakyanan, lakip na usab niini ang certification nga magpamatuod nga ang driver maoy lihitimong driver sa operator, kung ang driver ang dili maoy nnag-iya o operator sa sakyanan.
Lauman nga mosalmot sa seminar ang mga tricycle drivers, taxi drivers, jeepney drivers, passenger vans, ug mga buses alang sa school service unit drivers.
Ang maong seminar maoy next step human ang registration sa mga drivers alang sa PUV IDs. Sa higayon nga magmalampuson ang aplikasyon, mamahimong valid ang PUV ID sulod sa 1 ka tuig.
