DAVAO CITY – Nakumpiska sa Task Force Davao ug sa Davao City Police Office ang lain pang mga kinarton nga mga ilegal nga sigarilyo nga gisulayan paglusot sa Sirawan Border Control Point sa Toril ning siyudad sa Davao, kagahapon bandang alas 3:35 sa kaadlawon.
Subay sa report sa mga otoridad, gidala kini sa dinakpang giila nga si Webster B. Niebre, 28 anyos, nagpuyo sa Lower Glan, Midsayap, North Cotabato.
Gikarga ang mga kontrabando sa gimanehong 10-wheeler wing van truck. Nasayrang anaa sa 5,142 ka mga reams sa sigarilyo ang nakumpiska nga nga nagkantidad og kapin P2.9 milyon.
Kini na ang pinakadagkong kantidad sa mga nakumpiskang smuggled cigarette sa rehiyon ning kasamtangang tuig.
Gi-turn over na ngadto sa Bureau of Customs XI ang mga kontrabando,samtang tingkagol sa Toril Police Station ang dinakpan nga gikatakdang mag-atubang og kasong pagsupak sa RA No. 4712, An Act amending Certain sections of the Tariff and Customs Code of The Philippines.
via || Bombo LJF
