DAVAO CITY – Nikabat sa 8,175 ka trabahante sa Davao Region ang apektado sa dismissal sa ilang trabaho.
Sumala kang NEDA-Davao director Maria Lourdes Lim, nag unang hinungdan sa pagpangtangtang og empleyado mao ang epekto sa COVID-19 pandemic sa financial resources sa mga kumpanya dinhi sa rehiyon.
Busa labing kinahanglan matod pa ang dugang strategic interventions sa gobyerno aron nga matabangan ang mga naapektong establishemento.
Anaa matod pa sa 447 distressed establishment sa rehiyon ang nagpatuman og retrenched sa ilang manpower. Sagad sa mga apektado mao ang services sector gumikan sa permanent o temporary closure nga gipatuman atol sa restriction sa pandemic.
Hinuon sigon sa NEDA-DAVAO ang 8,175 nga ihap, mas ubos kini og 31.1% kon itandi sa 11,871 niadtong tuig 2021. Mas ubos usab og 21 percent ang ihap sa mga kumpanya nga nagpatuman og retrenchment karong tuiga kung itandi sa 566 ka kompanya ning nakalabay’ng tuig.
Namatikdan usab, ang pagbalik sa ekonomiya sanglit ubay-ubay na nga mga establishments ang nangabli nga nagresulta sa pagsaka sa employment rate sa rehiyon.
