DAVAO CITY – Gikatala sa Davao City Police Office ang zero crimes dinhi sa Davao City sukad Disyembre 1 kon ang pagsugod sa Pasko Fiesta diri sa dakbayan.
Gikanayon ni DCPO Spokesperson Police Major Catherine dela Rey, tungod kana sa pag-igmat sa katawhan sa natad sa culture of security diri sa dakbayan.
Duna man daw gihapon nahitabong mga petty crimes sama sa pagpangawat apan dili man kini masangko sa pagkinasuhay tungod nasayod na sab ang katawhan nga mag-igmat batok sa mga krimen.
Gawas sab niana, gilauman sa DCPO ang pagsaka sa mga drunk driving accidents.
Tungod niana, mas pakusgan pa sa DCPO ang ilang information campaing taliwala sa mga nagkadaghang selebrasyon karong bulana ug ang hugot nga pagpatuman sa curfew ug liquor ban diri sa dakbayan.
Naghangyo karon ang kapulisan nga kon mamahimo, dili na muinom o magmaneho samtang lango sa ilimnong makahubog bisag asa.
Gipaniguro sa DCPO ang pagmuntar ug mga pwersa sa mga pampublikong lugar ug establiysemento karong pasko ug bag-ong tuig.
via || Bombo LJF
