DAVAO CITY – Gikwestiyon sa usa ka konsehal ug Chairperson sa finance committee, ways and means and appropriations sa Davao City ang gisugyot nga Php 3 bilyon budget sa City Mayor’s Office gumikan sa kalainan sa pipila ka mga butang.
Mipresentar sab si Konsehal Myrna Dalodo-Ortiz og urgent item nga mao ang executive annual budget alang sa tuig 2023 sa City Government of Davao nga nagkantidad og P11. 8 billion.
Gikanayon ni Ortiz nga ang CMO mao ang dunay labing-taas nga alokasyon sa General Fund Proper.
Human gipresentar niya ang budget proposal, iyaha usab gipunting ang mga concerns kalabot sa pagbag-o sa allocation, nga dunay pagsaka sa mga gastoson sa maintenance ug operating.
Sumala ni City Budget officer Ermelinda Gallego nga ang labing rason kon ngano dunay pagsaka sa budget, tungod kini sa prioritization gikan sa opisina sa City Mayor.
Matod ni Gallego sa pag-prioritize kon asa moadto ang maong budget, ilang gihatagan og “prerogative to the concerned office as long as within the budget ceiling”.
Gipasabot ni Gallego nga kon ugaling makuwang ang budget sa matag kabtangan, i-realign sa local chief executive ug sa konseho ang budget.
via || Bombo HR
