DAVAO CITY – Magmahal gihapon ang presyo sa sibuyas bumbay gumikan sa limitado nga suplay sa merkado ug ang nihit nga produksyon niini sa Luzon nga wala nakaabot sa gikinahanglang demand.
Gikanayon ni Alexander Sibuan, market specialist of the Agribusiness and Marketing Assistance Division sa Department of Agriculture – Davao, gibana-banang anaa sa 2.34 kilograms per capita ang demand sa bumbay samtang mukabat sab sa gilaumang 4,000 ngadto 5,000 metric tons ang maabot nga suplay niini karong bulan sa Disyembre.
Dugang sab sa buhatan nga wala nag-isyu sa DTI ug clearance alang sa importation sa sibuyas pula busa ang variety gikan sa Luzon partikular sa Ilocos, Cagayan Valley, Central Luzon, ug MIMAROPA ang kasamtangang ginabaligya sa merkado.
Subay sa monitoring sa DA Davao, muduwa sa P320 matag kilo ang presyo sa sibuyas bumbay. Gikanayon sab ni Rubylyn Gomez, regional coordinator sa buhatan, aduna lamangh upat ka mga onion farmers ang rehiyon apan maka-produce lamang sila ug 3,000 kilograms sa maong produkto.
Gikalisdan sab sa mga mag-uuma ang produksyon niini tungod sa nagpadayong pag-ulan.
Nagpadayon gihapon sa paghatag ug assitance ang DA alang sa mga mag-uuma pinaagi sa paghatag ug seedling sa sibuyas bumbay.
via || Bombo LJ Florendo
