Nanawagan karon ang Nutrition Division sa City Health Office ngadto sa katawhang dabawenyo nga mokaon ug mga masustansiyang pagkaon karong Pasko.
Gikanayon ni Beth Banzon, head sa Nutrition Division sa CHO nga kinahanglang maghinay hinay ug kaon ang katawhan niining panahon sa pasko aron malikaan ang ginatawag lifestyle diseases.
Gi-awhag ni Banzon ang tanan nga dili kalimtan ang Pinggang Pinoy diin sa matag plato kinahanglan ang 1 ka cup sa kan-on, daghang mga gulay, isda ug karne.
Gisugyot usab sa opisyal nga batasanon sa matag Dabawenyo ang pagpa-Ilalom sa regular nga check up sa ilang panglawas aron masayran kung himsog paba kini o layo sa hypertension, ug labaw sa tanan kinahanglan nga sundon ang unsa man resita sa doktor. Angayan usab nga likayan ang grabe nga pag-inum ug alak.
Labot niini, gipahinumduman ni Banzon ang tanan nga kanunaymo-inum ug tubig aron mahinluan ang ilang lawas ug lakip na ang pagpahigayon ug exercise.
Nagpahimangno usab si Banzon sa tanan nga mag-control sa pagkaon ug bisan unsa ug dili magpalabi sanglit ang sobra-sobra moresulta sa daghang mga sakit sa kalawasan.
