DAVAO CITY – Gipahingusgan sa LTFRB-Davao ang pagpaduso sa Public Utility Vehicle Modernization Program kon PUVMP isip usa ka nasyonal nga programa aron lugwayan ang transportasyon diri sa nasud.
Sumala ni regional director Nonito Llanos III nga namugna ang maong programa pinaagi sa department order sa Department of Transportation apan posible nga mapatuman kini sa tibuok Pilipinas pinaagi sa bag-ong pagpangatungdan sa kasamtangang administrasyon.
Duna sab mga mambabalaod nga magpasa ug sugyot balaudnon sa Kongreso alang sa pagpa- institutionalize niini. Kasamtangang muabot sa 43 ka mga modernized units ang Davao Region ilawom sa maong programa, subay sa datos nga gigawas sa buhatan niadtong Nobyembre 29.
Giaprubahan sab ang mga sakyanan ilawom sa Omnibus Franchising Guidelines sa Department of Transportation.
via || Bombo LJ Florendo
