DAVAO CITY – Ipahigayon ang lain pang simulation exercise kon SIMEX diri sa Davao City karong bulan.
Ginalusad kini matag bahin sa tuig isip kabahin sa pagpabansay sa “Culture of Security” diri sa dakbayan.
Gikanayon ni Task Force Davao Commander Lt. Col. Darren Comia, wala pa gibutyag kon asa kini dapit ipahigayon ilabi na sa mga security personnel aron masuta sab ang kaandam ug kapasidad sa mga security and safety cluster aron muresponde sa mga terrorist attacks.
Matud pa sa Task Force Davao commander, ilang buhaton ang ilang mga natun-an sa nakalabayng SIMEX ug magsibli sab nga referesher course ang maong pagbansay karong bulan alang sa Integrated Response on Terrorism Plan nga nag-uluhang “Usahay II” nga gimandato sa Executive Order No. 62 series of 2021.
Gawas niini, gipangandaman sa Task Force Davao ang pagpatuman ug seguridad ilabi na karong Pasko Fiesta ning tuiga.
Busa nag-awhag si Comia ngadto sa katawhan nga mamahimong kalmado ug buhaton ang gikinahanglang ipabuhat sa mga otoridad atol sa maong simulation.
via || Bombo LJ Florendo
