DAVAO CITY – Botelya sa butane nga nag-leak duol sa battery sa sakyanan ang gitudlong hinungdan sa pagkasunog sa usa ka kotse niadtong Sabado, bandang alas-7:18 sa gabii sa may Purok 3, Artiaga Extension, Barangay 37-D, Davao City.
Sumala sa report, gi-parking lang sa maong kadalanan ang sakyanan dihang nasayran nga nagdilaab ang rear portion sa mini van.
Pagtugyan niini sa usa ka saksi ngadto sa driver, aduna nay mga serye sa pagbusikad nga nahitabo
resulta sa pagkaguba sa maong behikulo.
Wala na sab mapalgan ang drayber human sa maong insidente.
Girespondehan dayon ang sunog sa mga personahe sa BFP C. B. Bangoy Fire Station, Central 911 Fire Unit, ug pipila ka mga fire volunteers hangtud gideklara nang fire out bandang alas-7:32 sa gabii.
Walay natalang mga nanga-angol sa maong sunog. Gitun-an pa ang damyos sa maong sunog ug kasamtangang ginapangita ang driver sa midilaab nga sakyanan.
via || Bombo LJ Florendo
