DAVAO CITY – Gisugyot sa Davao City Environment and Natural Resources Office ang tanang mga barangay nga kanunayon ang pagbaton ug saktong paglabay ug basura tungod sa puno nga kapasidad sa mga landfills ug nasutang pagbara sa mga agianan sa tubig karong panahon sa ting-uwan.
Ilawom sa Solid Waste Management Ordinance of 2009 sa dakbayan, giatasan ang mga barangay nga magbaton ug kaugalingong pasilidad alang sa mga recyclables ug mga basura nga itunol sa CENRO aron ilabay sa mga landfills.
Apan gikabutyag ni CENRO Focal Person Orly Limpangog nga nagkulang sa gahum ang maong ordinansa gumikan na sab wala pay pundo alang sa kaugalingong materials recovery facility ang kadaghanan sa mga barangay sa dakbayan.
Sumala sa Davao City Information Office, dunay ubos sa 40 ka mga barangay ang nagsunod ubos sa maong balaod, taliwala sab sa paningkamot sa CENRO nga magpahigayon ug information drives sukas tuig 2009.
Dugang sab ni Limpangog nga makalikom ang matag barangay pinaagi sa hustong waste collection and management system, diin magpatuman ug household garbage fee ug mga multa sa mga malapasong mga tagbalay nga wala nagalabay sa ilang mga basura.
via || Bombo LJ Florendo
