DAVAO CITY- Patay ang usa ka drug suspek human misukol sa kapulisan pasado alas 8 kagabii sa Corner Midland Village, Bugac Maa ning dakbaayn sa Dabaw.
Sa pakighinabi sa Bombo Radyo kang PMAJ Maria Teresita Gaspan, Station Commander sa Maa Police Station, nakadawat og text message ang ilang buhatan labot sa usa ka lalake nga nagtuyok-tuyok sa lugar ug nag-sige ug lili sa mga naa-parking nga sakyanan ug gikatahapang nagdala og armas.
Atol sa pagresponde sa kapulisan ilang nakita ang usaka lalaki nga nagsul-ob ug itom nga sweatshirt, naka shortpant ug susama ang description sa suspect.
Sa dihang namatikda sa suspect ang mga police kalit kining nagpaboto sa iyang armas makato ka higayon hinungdan nga mibalos usab ang kapulisan ug na-igo ang suspect.
Gisulayan pa sa kapulisan sa pagdala ang suspect sa SPMC apan gideklara na kining patay sa mga doktor. Nakuha sa kapulisan gikan sa lugar nga nahitabuan ang usaka .38 kalibre nga revolver ug mga bala.
Samtang gipahigayon ang paraffin test sa patay nga lawas sa suspect marecover sa kapulisan ang usaka itom nga sling bag, P140.00 nga cash ug 2 ka sachet sa gituohang dahong sa marijuana.
Sa karon wala pay pamilya nga mi-claim sa patay nga lawas sa biktima nga gibana-banaang nag-edad ug 20 hangtud 25 anyos ang panuigon.
