DAVAO CITY – Nagpadayag sa iyang suporta alang sa gilaraw nga Metropolitan Davao Development Authority si Pangulong Ferdinand Bongbong Marcos Jr, sumala sa Malacañang.
Gibutyag kana mismo sa Pangulo sa usa ka situation briefing uban ang mga regional directors atol sa pagbisita ni PBBM sa dakbayan niadtong Huwebes.
Wala nagpagawas ang palasyo sa mga laing pang hisgutanan sa maong pakighinabi.
Kahinumdumang gipirmahan ni kanhi Pangulong Rodrigo Duterte ang Republic Act 11708 nga magmugna sa MDDA isip institusyon nga magtagana ug seguridad ug kahusay sa tibuok Davao Region.
Pagadumalahan sa ahensya ang matang sa development planning, transportasyon lakip ang trapiko, waste management, flood control, urban management, sanitation ug public safety.
Sumala pa sa National Economic and Development Authority kon NEDA – Davao, anaa pa sa formative stages ang pagmugna sa maong ahensya.
via || Bombo LJ Florendo
