DAVAO CITY- Plano karon sa lokal nga kagamhanan nga mag-abri og dul-an 18 ka mga Botika ng Bayan dinhi sa dakbayan sa Dabaw.
Gikanayon ni City Health Office (CHO) Head Dr. Ashley Lopez nga 100% na nila nga napresenta ang groundwork nga gikinahanglan alang sa pagpatuman sa Universal Health Care.
Kahinumduman nga niadtong milabay lamang nga adlaw, gilusad sa lokal nga kagamhanan sa dakbayan sa dabaw pinaagi sa City Health Office ang Botika ng Bayan sulod sa multipurpose building sa Bunawan District.
Kini na ang ika-pito nga Botika ng Bayan nga giabrihan sa syudad lakip na ang mga na-unang gipang-abrihan nga anaa nahimutang sa Marilog, Paquibato, Toril, Calinan, Magallanes ug Southern Philippines Medical Center sa tumong nga makahatag og dali ug dekalidad nga health care.
Alang sa mga dabawenyo nga buot mo-avail sa libre nga mga medisina alang sa mga komon nga balatian, kinahanglan lamang nga mopakita og reseta gikan sa usa ka clinic o ospital nga gipanag-iyahan sa gobyerno.
VIA|| Angie Chagas
