DAVAO CITY – Na-stranded ang 67 ka mga estudyante sa Buso National High School tungod sa kusog nga bunok sa ulan.
Sumala sa Mati CDRRMO, taknang alas-singko sa hapon kagahapon, nahugno ang ginatukod nga bag-ong tulay sa Barangay Tagbinonga, Mati City, Davao Oriental.
Hinungdan sa pagkahagsa sa tulay mao ang pagdahili sa yuta tungod sa kusog nga uwan. Kinahanglan pang mugamit ug mga heavy equiptment aron makatabok ang mga nanga-stranded nga mga commuter.
Temporaryong nagpagabii ang mga estuydyante sa tulunghaan samtang gitunolan sab sila ug panihapon, ilimnong tubig, sanina ug kagamitang pantulog gikan sa mga personahe sa iskwelahan, Barangay, SK ug CSWDO.
Nagpahigayon sab ug assessment ang Mati CDRRM ug nakipagkoordina sab ang barangay aron magpaniid sa kalihukan sa sapa.
via || Bombo LJ Florendo
