DAVAO CITY – Nagahinam-hinam na ug pangandam ang mga sakop sa Davao City Transport and Traffic Management Office alang sa Kalag-kalag.
Sa pakighinabi sa Bombo Radyo Davao kang Police Major Leonardo Pamplona Jr., gikumpirma sa buhatan nga magpatuman ug seguridad ug pagmando sa trapiko alang sa mga sementeryo sa dakbayan, uban ang hiniusang pwersa sa ubang mga security clusters.
Magtagana sab ug mga personahe sa mga mingaw ug dagsaon nga mga sementeryo sa dakbayan.
Ipatuman sab ang rerouting scheme sa mga nag-unang kadalanan paingon sa mga sementeryo alang sa mga sakyanan ug motortista nga musubay atol sa Todos los Santos.
Gikanayon sab nga igo gihapon ang mga personahe sa CTTMO nga magbantay sa tibuok simana nga pagbantay.
Sa katapusan, gipahimangnuan sa buhatan ang katawhan nga panubayan ang mga kamanduan alang sa mas luwas nga kadalanan karong panahon sa pagduaw sa mga mipanaw na minahal sa kinabuhi.
via || Bombo LJ Florendo
