DAVAO CITY – Nagpangandam na ang Davao City Economic Enterprise sa umaabot nga Kalag-kalag.
Gipakatag na sab sa maong buhatan ang ilang mga personahe alang sa panghiplig sa mga sementeryo sa tibuok dakbayan.
Sa ekslusibong pakighinabi sa Bombo Radyo Davao kang Jaime Paraon, person-in-charge sa CEE Maintenance Unit, gikanayon nga nanukad na ang ilang mga personahe sa paglimpyo sa mga public cemeteries sa Bunawan, Tibungco ug Panacan sa miaging simana.
Aduna sab gina-deploy na mga sakop sa Maa, Calinan, Mintal ug Lubogan alang sa maong pagpangandam, pipila ka simana una mag Kalag-kalag.
Sa kinatibuk-an, anaa sa 32 ka mga tawo ang nakatoka sa pag-repaint sa mga pantson sa sementeryo, ug 2 sab ang naka-assign sa plumbing services sa buhatan.
Dugang pa ni Paraon, target nila na mahuman ang maong kalihukan sulod sa usa ka simana apan adunay gikinahanglan pang pinturahan.
Magdepende gihapon ang paghuman sa ilang proyekto karon sa availability sa mga materyales ug dugang pang trabahuon aron mapanindot ang mga sementeryo sa dakbayan.
VIA || Bombo Danica Baguio and Bombo LJ Florendo
