DAVAO CITY – Nahilakip sa listahan ang Davao City isip usa sa mga pinaka-adunahang mga syudad sa Pilipinas.
Subay sa gipagawas nga annual financial report sa Commission on Audit alang sa tuig 2021, nasakmit sa Davao City ang ika-nuebe nga pwesto uban ang P26.555 billion nga assets.
Nag-una ang Quezon City sa Metro Manila nga nakaangkon ug P451.007 billion nga assets, ug gisundan kini sa mga syudad sa Makati, Maynila, Pasig, Taguig, Cebu Cuty, Mandaue, ug Mandaluyong.
Pinakaulahi niini ang syudad sa Caloocan.
Samtang, naapil sa listahan sa pinaka-adunahang mga probinsya sa miaging tuig ang Davao de Oro.
Naabot sa maong probinsya sa Davao Region ang ika-upat nga pwesto uban ang asset nga muabot sa P23.221 billion.
Gilangkuban sa listahan ang mga probinsya sa Cebu, Rizal, Batangas, Bukidnon, Negros Occidental, Ilocos Sur, Iloilo, Isabela ug Palawan.
Gikanayon sa COA nga ang mga assets, nagagikan sa kinatibuk-ang revenue sa usa ka LGU apil ang cash equivalent and receivables; ug non-current assets sa matag panggamhanan.
Una nang gipagawas ang listahan niadtong Oktubre 10 ning tuig kasamtangan.
via || Bombo LJ Florendo
