DAVAO CITY – Nagpabilin gihapon ang pahimangno sa Davao City Overland Transport Terminal sa mga bus operators ug drivers nga nagpadayon gihapon ang “No Pick Up” policy diri sa Davao City.
Gikanayon sa tigdumala sa terminal nga si Aisa Usop, nga dili gihapon tugutan ang pagpasakay sa mga bus stops gawas sa terminal aron malikayan ang posibleng kakulian sa seguridad sa dakbayan.
Gilauman nga sundon kini nga ordinansa taliwala pa man sa pagdagsang sa mga tawo nga musulod ug mugawas sa Davao City panahon sa Kalag-kalag.
Hinuon, giawhag ang katawhan nga musakay na lamang sulod mismo sa Ecoland Terminal, o dili kaha, sa mga designated checkpoint areas sama sa Bunawan, Toril ug Calinan.
Sa pikas bahin, nagahinam-hinam na ang terminal sa ilang pagpangandam sa gilaumang influx sa mga pasahero karung Kalag-kalag.
Tungod niini, magbutang ug mga personahe sa terminal alang sa 24 oras nga operasyon.
Makig-koordina sab ang Task Force Davao ug ubang mga security forces aron hingpit nga magbantay ug mag-check sa mga bagahe sa mga pasahero.
via || Bombo LJ Florendo
