DAVAO CITY- Nagpahimangno ang Department of Energy (DOE) nga dili gayud mupalit og mga refilled nga butane canisters tungod wala kini gidisenyo isip refillable apan disposable.
Buot pasabot, kausa lamang kini pwedeng magamit ug kinahanglan ilabay na kini mahitungod kini usa ka illegal nga binuhatan ug peligroso. Kahinumduman nga gipakompiskar ni kanhi Mayor Rodrigo Roa Duterte kadtong tuig 2016 ang daghanang mga butane canisters tungod usa kini sa mga rason sa sunog sumala usab sa datos sa Bureau of Fire Protection.
Kung dili man galing malikayan nga mugamit og butane sa pagluto ilabi na sa mga yanong indibidwal mahitungod usab sa baratong presyo niini nga daghan gayod og mag-patronize, mamahimong likayan na lamang ang pagpalit sa mga refilled butane canisters tungod LPG gas ang ginadispense niini nga usa sa rason nga adunay maugdaw nga mga panimalay o di kaya mubuto ang sudlanan tungod di gayud usab kini nakadisenyo nga butangan og LPG gas kini ilawom sa RA 11592 kon LPG Industry Regulation Act.
Samtang, mipahimangno si Department of Energy XI Director III Engr. Nilo Geroche nga og mupalit man sa susamang produkto, siguruhon gayud nga adunay tatak sa ICC aron makalikay sa maong disgrasya ug di tungod barato dapat tangkilikon na, mas maayo gayod nga huna-hunaon una ang safety sa kinatibuk-an.
VIA|| Danica Baguio
